समता माइक्रो फाइनान्स वित्तीय संस्था लिमिटेडले साधारण सेयर नपरेको पैसा फागुन ९ देखि फिर्ता हुने भएको छ। कम्पनीले पुस १९ देखि २२ निष्काशन गरेको आईपीओ आइतबार बाँडफाँड गरेको थियो ।
शेयर भरेका ९६ हजार २ सय ३७ जना मध्ये मध्ये ८ हजार ८ सय १७ जनाले मात्र समताको सेयर पाएका छन। अईपिओमा कुल आबेदकबाट समताको आइपीओमा २१४ गुणा बढी अर्थात् १ अर्ब ८७ करोडको आबेदन परेको थियो।
बिक्रि प्रबन्धक एनआईबिएल क्यापिटलले साधारण सेयर नपरेको पैसा फागुन ९ गते सोमबार देखि फिर्ता हुने जनाएको छ । कम्पनीको साधारण सेयरका लागि आबेदन भर्ने क्रममा नेपाल इन्भेस्टमेन्ट बैंक लिमिटेड, देब विकास बैंक, एस डेभलपमेन्ट बैंक र गुडविल फाइनान्स खाता नम्बर उपलब्ध गराएका आवेदकहरुको पैसा भने सिधै खातामा जम्मा हुने सेयर निष्काशन तथा बिक्रि प्रबन्धक एनआईबिएल क्यापिटलले जनाएको छ।
यी ४ बैंक बाहेकका खाता नम्बर उपलब्ध गराएकाले साधारण शेयर नपरेको पैसा फिर्ता लिनका लागि आबेदन भरेको संकलन केन्द्रमा प्रमाण (पैसा बुझाएको रसिद) र आफ्नो परिचय पत्र सहित आवेदन दिएको स्थानमा जानुपर्ने कम्पनीको बिक्रि प्रबन्धक एनआईबिएल क्यापिटलले जानकारी दिएको छ। त्यस्तै स्वयं उपस्थित हुन् नसके आवेदकको मंजुरिनामा र आबेदन भरेको प्रमाण (पैसा बुझाएको रसिद) स्वयंले प्रमाणित गरी पठाउने पर्ने छ ।
बैंकको सेयर निष्काशन तथा बिक्रि प्रबन्धक एनआइबीएल क्यापिटल लिमिटेडमा बुधबार बिहान गोलाप्रथा प्रणालीबाट गरिएको सेयर बाँडफाँडमा भाग्यमानी लगानीकर्ताले १० कित्ता पाएका छन। समताको आइपीओ भरेका १ हजार २ सय ४८ जनाको आबेदन रद्द भएका छन।
समताको आइपीओ भर्ने कुल ९६ हजार २ सय ३७ जना मध्ये ८ हजार ८ सय १७ जना सर्वसाधारणल समताको १० कित्ता सेयर पाएका छन् भने ३२ जना कर्मचारीले १८ सय ९० कित्ता पाएका छन । त्यस्तै चार हजार सात सय ४० कित्ता सेयर सामूहिक लगानी कोष कम्पनीले पाएका छन्।
निष्काशन गरिएको कुल ९४ हजार ८ सय कित्ता मध्य १ हजार आठ सय ९६ कित्ता सेयर कर्मचारीलाई छुट्याइएको छ भने ४ हजार ७ सय ४० कित्ता सेयर सामूहिक लगानी कोषहरुलाई छुट्याइएको छ ।
बाराको सिमरामा केन्द्रीय कार्यालय रहेको समता माइक्रोफाइनान्सले कुल चुक्ता पुंजीको ३० प्रतिशत हुन आउने सेयर सर्वसाधारणमा निष्काशन गरेको हो। आइपीओ वितरणपछी समताको चुक्ता पुंजी ३ करोड १६ लाख पुग्ने छ भने सेयर स्वामित्व अनुपात संस्थापक ७० र सर्वसाधारण ३० प्रतिशत हुने छ।
हेर्नुस नतिजा
तलको बक्समा क्लिक गरेर Ctrl+F थिचेर आफ्नो नाम राखेर खोज्नु होला :