यातायात व्यवस्था विभागका तत्कालिन महानिर्देशक चन्द्रमान श्रेष्ठ बिरुद्द भ्रष्ट्राचार मुद्दा दायर भएको छ ।अख्तियार दुरुपयोग अनुसन्धान आयोगले उनी बिरुद्द एक करोड चौतीस लाख पाँच सय छयहत्तर रुपैयाँ छयहत्तर पैसा बिगो माग दाबी सहित बुधबार बिशेष अदालतमा मुद्दा दायर गरेको हो ।
हाल वन तथा बातावरण मन्त्रालयको सह-सचिव पदमा कार्यरत निज श्रेष्ठको खर्च र आम्दानीको विवरण हेर्दा एक करोड चौतीस लाख बराबरको रकमको स्रोत नखुलेको भन्दै आयोगले भ्रष्ट्राचार मुद्दा दायर गरेको हो । त्यस्तै उनी सार्बजनिक पदमा रहंदा उनकी श्रीमती जमुना तण्डुकारको नाममा समेत श्रोत नखुलेको चल अचल सम्पति देखिन आएको हुँदा सो समत जफत गर्न आयोगले माग गरेको छ ।