.gif)
नेपाल बिद्युत प्राधिकरणका ३ जना निर्देशकहरु उप कार्यकारी निर्देशकहरुमा बढुवा भएका छन् । प्राधिकरणले संचालक समितिको बैठकले निर्देशक त्रय माधवप्रसाद कोइराला, विज्ञानप्रसाद श्रेष्ठ र ओमप्रकाश राठीलाई उप कार्यकारी निर्देशकमा बढुवा गरेको हो ।
बढुवा भएका कोइराला चिलिमे जलविद्युत कम्पनीका सीईओ हुन् । लामो समय रसुवागढी हाइड्रोको सीईओ रहेका कोइराला गत बर्ष मात्र चिलिमेको सीइओ बनेका थिए । यद्यपि उनी २०५० सालमा कम्पनी स्थापना भएयता उनी चिलिमेसँग जोडिएका थिए ।
बढुवा भएका श्रेष्ठ अपर तामाकोशी जलविद्युत आयोजनाका सीईओ हुन् । श्रेष्ठ कै नेतृत्वमा राष्ट्रिय गौरवको आयोजनाको रुपमा रहेको ४५६ मेगावाटको अपर तामाकोशी निर्माणाधीन छ । त्यस्तै राठी ब्यबस्थापन तथा अनुगमन निर्देशनालयका प्रमुख हुन् ।
बढुवा भएका तिनै जनालाई हाल कार्यरत स्थानमा नै पदस्थापन गरिएको प्राधिकरणका प्रबक्ता प्रबल अधिकारीले जानकारी दिए । अधिकारीका अनुसार बरिष्ठताका आधारमा नियमित प्रक्रिया अनुरुप नै उनीहरुको बढुवा गरिएको हो ।
.gif)
