.gif)
राजपा सांसद राजेन्द्र महतोले नीति तथा कार्यक्रम भाङ खाएर लेखेको हो भन्दै प्रश्न गरेका छन् ।प्रतिनिधिसभाको बैठकमा आजबाट सुरु भएको नीति तथा कार्यक्रममाथिको छलफलमा सांसद महतोले यस्तो प्रश्न गरेका हुन् ।
सांसद महतोले भने नीति तथा कार्यक्रम भाङ खाएर नै लेखिएको जस्तो बताए । उनले बुंदा नम्बर ७ मा आफ्नो अशन्तुष्टी रहेको बताए । त्यस बुंदामा सविधानको सर्वस्वीकार्यता कायम भएको लेखिएको र सो गलत भएको उनले बताए ।
उनले सर्वस्वीकार्यता भएको भए किन संविधान संसोधन प्रस्ताव संसदमा ल्याएको, किन सविधान संसोधन गर्न सहमति गरेको लगायतका प्रश्न गरे । उनले संविधान पनि महाभारत, गीता, कुरान, बाइबलमा जस्तो फुल स्टप समेत फेर्न नमिल्ने हो भन्दै प्रश्न गरेका छन् ।
साथै उनले नीति तथा कार्यक्रमको बुंदा नम्बर ७ लाई संसोधन गरि संविधानको सर्वस्वीकार्यता गर्न संविधान संशोधन गरिने छ भन्ने वाक्य राख्न माग गर्दै संसोधन प्रस्ताव दर्ता गराएका छन् ।
.gif)
