नेपालले १६ बर्ष मुनिको एशिया पूर्वी क्षेत्रको क्रिकेट प्रतियोगिता जितेको छ। आइतबार थाईल्यान्डमा भएको फाइनल खेलमा नेपालले ५९ रनले मलेशियालाई पराजित गरेर उपाधि सुरक्षित राखेको हो। यो संगै नेपालले लगातार २ पटक उपाधि जितेको छ ।
टस जितेर ब्याटिङ रोजेको नेपालले निर्धारित ३५ ओभरमा नौ विकेटको क्षतिमा १४० रन बनाएको थियो। नेपालको लागि प्रशान्त महतले सर्बाधिक ४० रन तथा दिपक बोहराले २३ रन जोडेका थिए। १ सय ४१ रन्को बिजयी लक्ष्य लिएर मैदान उत्रेको मलेशिया ३४.५ ओभरमा अल आउट हुदै ८१ रनमा समेटियो ।नेपालका लागि विशाल कुमार पटेलले ४, दिपक बोहराले ३, निखिल कुमार सिंह र क्रीस कार्कीले समान १/१ विकेट लिए ।
यो प्रतियोगितामा आठ राष्ट्र सहभागी थिए। समूह ए मा रहेको नेपाल अविजित रहँदै सेमिफाइनलमा प्रवेश गरेको थियो। सन् २०१७ मा थाईल्याण्डमा आयोजित एसीसी अन्डर-१६ पूर्वी क्षेत्र प्रतियोगिताको उपाधि नेपालले फाइनलमा सिंगापुरलाई पराजित गर्दै जितेको थियो ।
