.gif)
स्पेनिस बार्सिलोनाले च्याम्पियन्स लिगको समुह चरणमा अपराजित यात्रा कायम राखेको छ । समूहको तेस्रो खेलमा बार्सिलोना बुधबार स्लाभिया प्राहालाई २–१ ले पराजित गर्दै ७ अंकका साथ समुह एफको शीर्ष स्थानमा छ ।
खेलको तेस्रो मिनेटमानै लियोनल मेस्सीले गोल गर्दै बार्सिलोनालाई सुरुवाती अग्रता दिलाएका थिए । योसँगै मेस्सीले च्याम्पियन्स लिगमा लगातार १५ सिजन गोल गर्ने खेलाडीको कीर्तिमान समेत बनाएका छन् ।
पहिलो हाफमा १ गोलको अग्रता बनाएको बार्सिलोनाविरुद्ध जान बोरिलले ५० औ मिनेटमा गोल फर्काउँदै बराबरी गरेका थिए । तर ७ मिनेटपछिनै पिटर ओलायिन्काको आत्मघाति गोल गर्न पुग्दा बार्सिलोना २–१ ले अघि रह्यो ।
समूह एफको शीर्ष स्थानमा रहेको बार्सिलोनाले ७ अंक बनाउँदा दोस्रो स्थानको ईन्टर मिलानको ४ अंक छ ।
.gif)
