नेपालले आइसिसी यू–१९ विश्वकप एसिया क्षेत्र छनोटमा मलेशियालाई १० विकेटले हराउँदै लगातार चौथो जित निकालेको छ । जितको लागि ७२ रनको विजयी लक्ष्य पछ्याएको नेपालले ९ ओभरमा १० विकेट बाँकि रहंदै लक्ष्य भेट्टाएको हो ।
नेपालको जितमा दिपक बोहोराले १९ रनमा ३८ रन तथा अर्जुन कुमालले १५ बलमा २१ रन बनाए । पहिले ब्याटिङ गरेको मलेशिया ३५.३ ओभरमा ७२ रनमा अल आउट भएको थियो ।
अब नेपालले अन्तिम खेलमा मार्च २ मा युएईसँग खेल्नेछ । ६ टोली सहभागी प्रतियोगिता शीर्ष टोलीले आगमी वर्ष श्रीलंकामा आयोजना हुने यू–१९ विश्वकप खेल्न पाउनेछ । नेपाल र युएई प्रतियोगिता प्रमुख दाबेदार टोली हुन् । नेपालले युएईलाई पराजित गरेमा नेपालले यू–१९ विश्वकप खेल्न पाउने छ ।