.gif)
मौलाकाली केवलकारले टिकटमा ५० प्रतिशत छुट सहित ‘इभिनिङ अफर’ ल्याएको छ । साउन देखि लागू हुने गरी यो अफर ल्याएको कम्पनीले जनाएको छ ।
यस अफर अन्तर्गत प्रत्येक बुधबार दिउँसो २ बजेपछि केवलकारको टिकट काट्दा ५० प्रतिशत छुट दिइने केवलकारका स्टेशन मेनेजर सुरज पौडेलले बताए । हाल केवलकारको दुइतर्फी साधारण टिकट शुल्क ५५० रुपैयाँ कायम छ । यस अफर अन्तर्गत अब यात्रुहरुले २७५ रुपैयाँमै दुइतर्फी यात्रा गर्न पाउनेछन् । यो अफरले दर्शनार्थीहरुलाई दिउँसो पनि मन्दिर जान प्रेरित गर्ने विश्वास लिइएको छ । यसबाट मौलाकालिका मन्दिर जाने दर्शनार्थीको संख्या पनि बढ्ने अपेक्षा गरिएको छ ।
मौलाकालिका मन्दिरमा यसअघिका वर्षहरुको तुलनामा यो सिजनमा भक्तजनको संख्यामा उल्लेख्य वृद्धि आएको छ । धार्मिक सेवा समिति मौलाकालिका मन्दिरका अध्यक्ष शालिकराम सापकोटाका अनुसार मौलाकाली केवलकार सञ्चालनमा आएपछि मन्दिरमा पुजाआजा गर्न आउने भक्तजनको संख्या करिक २५ प्रतिशतले बढेको छ ।
धार्मिक तथा ऐतिहासिक महत्वको मौलाकालिका मन्दिर जाने आन्तरिक तथा बाह्य पर्यटकलाई लक्षित गरी गत वैशाख १ गतेदेखि संचालनमा आएको मौलाकाली केवलकारले बिदाका दिन बाहेक बिहान ६ बजेदेखि भक्तजनहरुलाई सेवा दिंदै आएको छ । शनिबार र अन्य बिदाका दिनमा बिहान ५ः३० देखि केवलकार संचालन हुने गरेको छ ।
.gif)
