नेपालको पर्यटन प्रचारका लागि होटल व्यवसायीहरु बंगलादेश प्रस्थान गरेका छन् । नेपालको प्रचार गर्न होटल व्यवसायीहरुको टोली बंगलादेशको ढाका प्रस्थान गरेको हो ।
होटल संघ नेपाल (हान)का अध्यक्ष विनायक शाहको नेतृत्वमा २४ सदस्यीय होटल व्यवसायीको टोली ढाका तर्फ प्रस्थान गरेको हो । हानले नेपाल पर्यटन बोर्ड र बंगलादेशस्थित नेपाली दूतावाससँगको सहकार्यमा ढाकामा कार्यक्रम आयोजना गर्नेछ ।
कार्यक्रममा बंगलादेशका पर्यटन व्यवसायी, टुर अपरेटर तथा बंगलादेशी सरकारी अधिकारीसहित बंगलादेशका लागि नेपाली राजदूत र पत्रकार उपस्थित हुने छन् ।
हान र बंगलादेश इन्टरनेसनल होटल एसोसिएसनबीच दुई देशबीच पर्यटन प्रवर्द्धन तथा होटल तालिमका सम्बन्धमा समझदारीपत्रमा हस्ताक्षरसमेत हुने कार्यक्रम छ ।