यातायात व्यवसायीहरुले आफ्ना सवारीको चाबी सरकारको जिम्मा लगाएका छन् । आइतबार काठमाडौंका प्रमुख जिल्ला अधिकारी कालीप्रसाद पराजुलीमार्फत व्यवसायीहरुले गाडीका चाबी सरकारलाई बुझाएका हुन् ।
सार्वजनिक यातायात केन्द्रीय महासंघका अनुसार माग पूरा गर्न यातायात व्यवस्था विभाग र सम्बन्धित मन्त्रालयले कुनै पहल नगरेको र आफूहरुका मागप्रति बेवास्ता गरिएको भन्दै आज चाबी बुझाईएको हो ।
‘हामीले राखेका सात बुँदे माग सम्बोधन नभएपछि चाबी बुझाउन बाध्य भयौँ’ एक जना व्यवसायीले भने ।
व्यवसायीहरुले बिहिबार चक्रपथमा सवारीको र्याली निकालेरै विरोध गरेका थिए ।
यस्ता छन् मागः
१) एउटै प्रदेश भित्र चल्ने गाडीहरुको भाडा समायोजन हुनुपर्ने
२) यातायात क्षेत्रमा रहेका व्यवसायी र मजदूरलाई कोभिड–१९ विरुद्धको खोप लगाइनुपर्ने
३) यातायातको भाडा समायोजन गर्नुपर्ने
४) कोभिड अवधिको बीमा वापतको रकम छुट हुनुपर्ने
५) सडक कानुन लागू गर्नुपर्ने
६) कागजपत्र नविकरण र जरिवाना छुट गर्नुपर्ने
७) ढुवानी यातायातको वर्तमान नीति पुनरावलोकन गर्नुपर्ने a
