अर्थ मन्त्री डा. प्रकाश शरण महतले बजेटको अर्ध वार्षिक समीक्षा मार्फत खर्च कटौती नगरेको स्पष्ट पारेका छन् । आज अर्थ मन्त्रालयमा आयोजित पत्रकार सम्मेलनमा उनले ऐनको अवस्था बमोजिम अर्थ वार्षिक समीक्षा मात्र गरिएको तर खर्च कटौती भने नगरिएको उनले बताए ।
संसदले पारित गरेको बजेट कटौती गर्न नमिल्ने उनले बताए । उनले अर्थ मन्त्रालयको चाहना राजस्व बढोस् , खर्च बढोस् भन्ने नै रहेको प्रष्ट पारे ।
बजेटमा गरिएका अनुमान नमिलेको सदर्भमा सुरुमा प्रस्ताव गरेको र समीक्षा मार्फत गरिने अनुमानमा हुने अन्तर घटोस् भन्ने चाहेको र त्यसमा प्रगति भईरहेको उनले बताए । उनले स्रोतको अभावमा विभिन्न दायित्व पुरा गर्न कठिन भईरहेको बताए । आम्दानीको आधारमा नै स्रोत सुनिश्चित गर्ने भएकोले मन्त्रालयले आम्दानी अनुसार प्राथमिकताको आधारमा स्रोत सुनिश्चित गर्ने बताए । उनले प्रधानमन्त्रसँग कुनै खटपट नभएको भन्दै समाचारमा आएका विषय भ्रामक रहेको प्रष्ट पारे ।
आउने बजेटमा अनौपचारिक अर्थतन्त्रलाई घटाउने योजना आउँने पनि उनले बताए।