नेपाल मेडिकल तथा ल्याब एक्स्पो हुदै

बिजपाटी संवाददाता

बिजपाटी संवाददाता

Feb 25, 2024 | 08:33:27 PM मा प्रकाशित

laxmi  sunrise bank

सातौँ नेपाल मेडिकल तथा ल्याब एक्सपोको यहि फागुन १७ देखि १९ गते सम्म भृकुटीमण्डपमा हुने भएको छ। एस डि प्रोमो मिडियाले ईईपीसी भारत र केमसान नेपालसँगको सहकार्यमा एक्स्पो गर्न लागेको हो । 

आइतबार काठमाडौंमा भएको प्रत्रकार सम्मेलनमा एसडि प्रोमो मिडियाका प्रोजेक्ट प्रमुख अनुरोध परासरले नेपालको स्वास्थ्य क्षेत्रमा योगदान दिने उद्देश्यले नेपाल मेडिकल एण्ड ल्याब एक्सपो आयोजना हुन लागेको बताए । उनले एक्स्पोमा सबैभन्दा ठूलो बि टु बि मेडिकल, डाइग्नोस्टिक, ल्याबरेटोरी तथा विश्लेषणात्मक समाधानहरूको प्रदर्शनी हुनुका साथै यस प्रदर्शनीले विभिन्न मूल्यका नवीन प्रयोगहरू तथा विविध उत्पादनहरू देखाउने बताए।

एक्स्पोले देशै भरिका विभिन्न ग्राहकहरूको माग सम्बोधन गर्ने यसका साथै  साना तथा ठूला कम्पनीहरूलाई एक अर्कासँग परिचय तथा सम्बन्ध बढाउदै आफ्ना सृजनाहरू परिचित गराउने सुनौलो अवसर दिने आयोजकले जनाएको छ । 

उक्त कार्यक्रममा बोल्दै केमसान नेपालका अध्यक्ष भक्त  बहादुर हमालले स्वास्थ्य क्षेत्रमा हरेक बर्ष नयाँ आविष्कार  हुने भएकाले ति कुरा अस्पतालसम्म पुर्याउने उदेश्यले उक्त एक्स्पो गर्न लागेको बताए  उनले यस प्रदर्शनीबाट नयाँ कम्पनीहरूका लागि स्थापित संस्था तथा ब्रान्डसँग परिचय तथा चिनजानका लागि महत्त्वपूर्ण अवसर हुने बताए ।

उनले प्रदर्शनीमा नेपाल र भारतसहित विभिन्न ८ देशका उत्पादकले आफ्ना ८०० बढी ब्राण्ड र १००० बढी उत्पादन प्रदर्शनीमा राख्ने  बताए । उनका अनुसार मेडिकल तथा ल्याबको सबैभन्दा बृहत्त  प्रदर्शनी नेपाल मेडिकल तथा ल्याब एक्सपो हो जसले उल्लेखनीय बिक्रेता तथा क्रेताहरूलाई साझा हितका लागि एउटै मञ्चमा ल्याउने गर्दछ । यस प्रदर्शनीमा अस्पतालहरूका प्रमुख , डाक्टरहरू, रोग विशेषज्ञहरू, सर्जिकल, निदान र अनुसन्धान प्रयोगशालाका विज्ञ, वैज्ञानिक, डिलर, वितरक , आयातकर्ता, खुद्रा विक्रेता र अन्य खरीददार समूहहरूका लागि मुख्य आकर्षण हुने हमालले बताएका छन्।

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved