उदीयमान राष्ट्रको सङ्गठन ब्रिक्समा छ सदस्य थपिएका छन् । ब्राजिल, रुस, भारत, चीन र दक्षिण अफ्रिका सदस्य रहेको ब्रिक्समा थप ६ देश थपिएका हुन् ।
दक्षिण अफ्रिकाका राष्ट्रपति सिरिल रामाफोसाले आज नयाँ सदस्य थपिएको घोषणा गरेका हुन् । गणतन्त्र अर्जेन्टिना, अरब गणतन्त्र इजिप्ट, सङ्घीय लोकतान्त्रिक गणतन्त्र इथियोपिया, इस्लामिक गणतन्त्र इरान, साउदी अरब र संयुक्त अरब इमिरेट्स ब्रिक्समा आवद्द भएका हुन् । नयाँ सदस्य अब जनवरी १ देखि सङ्गठनमा आबद्ध हुनेछन् ।
नयाँ ६ देश थपिएसंगै अब ब्रिक्सले विश्वको ८० प्रतिशत तेल उत्पादन कन्ट्रोल गर्ने अन्तराष्ट्रिय संचारमाध्यमहरुले उल्लेख गरेका छन् । विश्वका ९ ठुला तेल उत्पादन गर्ने देश मध्ये ६ वटा ब्रिक्स सदस्य हुने छन् ।