मुक्तिनाथ विकास बैंकले जनप्रिय बहुमुखी क्याम्पस पोखरासंग मानव संसाधन व्यवस्थापन गर्ने गरी सम्झौता पत्रमा हस्ताक्षर गरेको छ ।
सम्झौता अनुसार मुक्तिनाथ विकास बैंकलाई आवश्यक पर्ने जनशक्ति व्यवस्थापन गर्ने क्रममा जनप्रिय बहुमुखी क्याम्पसवाट विविए÷विविएस÷एमविए र एमविएसमा उत्कृष्ट अंक ल्याई उत्तिर्ण हुने ५ जना विद्यार्थीहरुलाई क्षमता र दक्षताका आधारमा आवश्यक प्रकृया पुरा गरी कर्मचारीको रुपमा नियुक्त गरिने छ ।
सम्झौता पत्रमा मुक्तिनाथ विकास बैंक लि.को तर्फबाट क्षेत्रीय प्रवन्धक वावुराम ढकाल र जनप्रिय बहुमुखि क्याम्पसको तर्फबाट क्याम्पस प्रमुख विरन्जी गौतमले हस्ताक्षर गरेका हुन् ।
