ग्लोबल आइएमई बैंक र दिर्घायु गुरु अस्पतालबीच सेवामा छुट दिने सम्बन्धि सम्झौता भएको छ । बैंकले हस्पिटलसँग आफ्ना ग्राहकलाई स्वदेशमै गुणस्तरीय उपचारमा सहुलियत दिने उदेश्यले दुईपक्षीय सम्झौता गरेको जनाएको छ ।
सम्भौतापत्रमा अस्पतालका तर्फबाट प्रबन्ध निर्देशक सुरज बला श्रेष्ठ र बैंकका तर्फबाट कार्ड वितरण विभाग प्रमुख रविन्द्र ढकालले हस्ताक्षर गरे ।
सम्झौता पश्चात दिर्घायु गुरु अस्पतालमा उपचार गराउँदा ग्लोबल आइएमईबाट डेबिट, क्रेडिट र प्रिभिलेज कार्ड लिएका ग्राहकले अस्पतालले प्रदान गर्ने विभिन्न सेवामा १२ प्रतिशत सम्म छुट पाउने बैंकले जनाएको छ ।