सिद्घार्थ बैंक Siddhartha Bank Limited ले मनमोहन स्मृति सामुदायिक अस्पताललाई आर्थिक सहयोग गरेको छ । बैंकले बिहीबार फर्पिङस्थित सो अस्पताललाई एक लाख ३० हजार रुपैयाँ सहयोग गरेको हो ।
उक्त रकम बैंकको कुमारीपाटीस्थित हेड अफ सर्कल ज्ञानेन्द्र महर्जनले अस्पतालका कार्यवाहक अध्यक्ष पूर्ण बहादुर शाहीलाई हस्तान्तरण गरेका हुन् ।
बैंकबाट प्राप्त रकम अस्पतालले बिरामी कुरुवा बेड खरिद गरी कुरुवा मैत्री अस्पताल बनाउनका लागि उपयोग गर्ने जनाएको छ । उक्त सहयोगबाट अस्पतालका बिरामी तथा बिरामी कुरुवालाई केही हदसम्म भएपनि राहत पुग्ने विश्वास लिएको बैंकले जनाएको छ ।