चट्याङमा परेर ३२ जनाको मृत्यु

भारतको उत्तर प्रदेशमा आइतबार राति चट्याङमा परेर ३२ जनाको मृत्यु भएको छ । राज्यको अलग–अलग जिल्लामा चट्याङमा परि १३ जना घाइते भएका छन् । कानपुर र फतेहपुरमा सबैभन्दा धेरै ७/७ जनाको मृत्यु भएको छ । 

राजस्थानको झालावाडमा पनि महिलासहित ४ जनाको ज्यान गएको छ । पाली जिल्लामा २७ जना मजदुर घाइते भएका छन् । अविरल वर्षाबाट जोगिन रुखमुनि ओत लाग्दा चट्याङ परेर मृत्यु भएको बताईएको छ । उत्तर प्रदेशका मुख्यमन्त्री योगी आदित्यनाथले मृतकका परिवारलाई ४/४ लाख रुपैयाँ सहयोगको घोषणा गरेका छन् ।