भारतीय कङ्ग्रेसले अध्यक्ष राहुल गान्धीको राजीनामा स्वीकृत गरेको छ । उनको राजनीमा स्वीकृतपछि गान्धीकी आमा सोनिया गान्धीलाई कङ्ग्रेसले अन्तरिम अध्यक्ष चुनेको छ । लोकसभा चुनाव २०१९ मा कङ्ग्रेले नराम्रो पराजय ब्यहोरेपछि राहुलले नैतिकताको आधारमा अध्यक्षबाट राजीनामा दिएका थिए ।
शनिबार बसेको कङ्ग्रेस कार्यसमितिको बैठकले राहुलको राजीनामा स्वीकृत गर्दै फेरि सोनियालाई नै अन्तरिम अध्यक्ष चुनेको हो । सोनिया भारतीय कांग्रेसमा सबैभन्दा लामो समयसम्म अध्यक्ष बनेकी नेतृ हुन् । अर्को अध्यक्ष नचुनिएसम्म अब पार्टीको नेतृत्व सोनियाले नै गर्ने भएकी छिन् ।
