चीनले १८ वर्ष भन्दा मुनिका किशोरहरूलाई भिडियो गेम खेल्न प्रतिबन्ध लगाएको छ । अनलाइन भिडियो गेमको लत छुटाउन चीनले यस्तो कदम चालेको हो ।
चीन सरकारले आधिकारिक रुपमा निर्देशन नै जारी गरिसकेको छ । अब चीनमा १८ वर्षमुनिका किशोरहरूले राति १० बजेदेखि बिहान ८ बजेसम्म भिडियो गेम खेल्न पाउने छैनन् । सोमवारदेखि शुक्रवारसम्म उनीहरूले ९० मिनट मात्र खेल्न पाउनेछन् भने सप्ताहान्त र सार्वजनिक बिदाका बेलामा उनीहरूले तीन घन्टासम्म खेल्न पाउनेछन् । आठदेखि १६ वर्षसम्मका गेमरहरूले प्रतिमहिना २०० युआन मात्र खर्च गर्न पाउँने गरि नियम बनाईएको छ । १६ देखि १८ वर्षसम्मका किशोरका लागि ४०० युआन अधिकतम खर्च सीमा तोकिएको छ ।
