नबिल बैंकको बोनस सेयर सुरक्षित गर्ने आज अन्तिम दिन हो। बैंकले गत आर्थिक बर्षको कमाईबाट घोषणा गरेको लाभांशका लागि भदौ २७ का लागि बुक क्लोज गर्ने निर्णय गरेकाले आज अर्थात भदौ २६ सम्म कायम सेयरधनीहरुले लाभांश पाउनेछन।
नबिल बैंकले गत आर्थिक बर्षको कमाईबाट ३० प्रतिशत बोनस सेयर र १८ प्रतिशत नगद लाभांश दिने निर्णय गरेको छ। बैंकको असोज १० गते बस्ने साधारणसभाले उक्त लाभांश प्रस्ताब स्वीकृत गरे पश्चात सेयरधनीहरुमा लाभांश वितरण हुनेछ।
साधारणसभा र लाभांश प्रयोजनका लागि भदौ २७ गते बुक क्लोज गर्ने निर्णय भएकाले भदौ २६ सम्म कायम सेयरधनीहरुले मात्र लाभांश प्राप्त गर्ने र साधारणसभामा सहभागी हुन पाउनेछन।
३० प्रतिशत बोनस सेयर वितरण पश्चात बैंकको चुक्ता पुंजी ८ अर्ब ३ करोड पुग्नेछ। हाल बैंकको चुक्ता पुंजी ६ अर्ब १८ करोड रहेको छ। बैंकले गत आर्थिक बर्ष ३ अर्ब ६२ करोड खुद मुनाफा गरेको थियो।