साताको तेस्रो दिन आज मंगलबार पनि शेयर बजार परिसूचक नेप्से दोहोरो अंकले बढेको छ । आज नेप्से सूचक २५.१४ अंकले बढेर १५१६.०२ को उचाईमा पुगेको छ । आज कारोबारमा आएका १६५ कम्पनीका १८ हजार ४७ हजार ७ सय ५५ कित्ता शेयर खरिद बिक्रिबाट ७५ करोड ११ लाख ६७ हजार १ रुपियाँको कारोबार भएको छ ।
आज कारोबारमा आएका सबै समुहगत सूचक बढेका छन् ।
आज चिलिमे हाइड्रोपावरको सर्बाधिक ६ करोडको कारोबार भएको छ । अन्य बढी कारोबार हुनेमा प्रभु बैंक संस्थापक शेयर, प्राइम कमर्शियल बैंक, स्ट्याण्डर्ड चार्टर्ड बैंक, नेपाल टेलिकम लगायत रहेका छन् ।
आज विजय लघुवित्तका लगानीकर्ताले सर्बाधिक ९.८३ प्रतिशत कमाएका छन् । त्यस्तै कर्णाली विकास बैंकका लगानीकर्ताले ९.६८ प्रतिशत कमाएका छन् । अन्य बढी कमाउनेमा हाम्रो विकास बैंक, किसान माइक्रोफाइनान्स, महिला सहयात्रा माइक्रोफाइनान्स लगायत रहेका छन् ।
आज सगरमाथा इन्स्योरेन्सका लगानीकर्ताले सर्बाधिक ५.९ प्रातिशत गुमाएका छन् । आज नै कम्पनीले कुनै लाभांश नदिने घोषणा गरेकाले कम्पनीको शेयर मूल्य घटेको हो ।
अघिल्लो हप्ता निरन्तर जसो घटेको नेप्से सूचक यस हप्ताको पहिलो ३ दिन मै ५५ अंकले बढेपछि लगानीकर्तामा उत्साह छाएको छ ।