नेपाल स्टकक एक्चेन्ज नेप्सेमा हिमालयन डिष्टीलरीको सेयर कारोबार रोक्का भएको छ । कम्पनीले लाभांश समबन्धि महत्वपूर्ण सूचना ढिलो गरी नेप्सेमा पठाएको र त्यसबीचमा सूचना चुहावट भएको हुन् सक्ने भन्दै नेप्सेले छानविनको लागि कम्पनीको कारोबार रोक्का गरेको हो ।
हिमालयन डिष्टीलरीको संचालक समितिको बैठक कार्तिक २९ गते नै बसेको थियो । त्यस बैठकले साधारणसभाको मिति तय गर्दै २१.०५ प्रतिशत नगद लाभांश प्रस्ताव गरेको बताईएको छ । तर कम्पनीले उक्त सूचना आज ६ गते बिहीबार मात्र नेपाल स्टक एक्सचेञ्जलाई जानकारी गराएको हो । यहि बीचमा कम्पनीको कृयाकलाप संकास्पद रहेको र सूचना चुहावट भएको हुन् सक्ने भन्दै नेप्सेले सो को अनुसन्धानको लागि कारोबार रोक्का गरेको हो ।
कम्पनीले मंसिर २९ गते बीरगञ्जमा साधारण सभा बोलाएको छ भने साधारण सभाका लागि मंसिर १५ गतेदेखि सेयरधनी पुस्तिका बन्द गर्दैछ ।