फस्ट माइक्रोफाइनान्स लघुबित्त वित्तीय संस्थाले हकप्रद निष्काशनको अनुमति माग्दै नेपाल धितोपत्र बोर्डमा आवेदन दिएको छ । कम्पनीले २:१ को अनुपातमा ५० प्रतिशत हकप्रद निष्काशनको अनुमति माग गरेको हो । कम्पनीले यहि मङ्सिर ८ गते बोर्डमा आवेदन दिएको हो ।
कम्पनीले २२ लाख ८१ हजार ३ सय १३ कित्ता हकप्रद निष्काशन गर्ने तयारी गरेको हो । हकप्रद निष्काशनको लागि ग्लोबल आईएमइ क्यापिटल बिक्रि प्रबन्धक चयन भएको छ ।
कम्पनीको असोज ८ गतेको साधारणसभाले १५ प्रतिशत बोनस प्रस्ताव र कर प्रयोजनको लागि ०.७९ प्रतिशत नगद लाभाश प्रस्ताव र बोनस वितरणपछि ५० प्रतिशत हकप्रद निष्काशन गर्ने प्रस्ताव पारित गरेको थियो ।
कम्पनीले गत बर्ष ८ करोड २ लाख रुपियाँ खुद नाफा गरेको थियो। हाल कम्पनीको चुक्ता पुंजी ३९ करोड ६७ लाख रहेकोमा १५ प्रतिशत बोनस र ५० प्रतिशत हकप्रदपछि चुक्ता पुंजी ६८ करोड ४३ लाख पुग्ने छ ।