साताको तेस्रो दिन आज मंगलबार बजार परिसूचक नेप्से दोहोरो अंकले गह्तेको छ । आज नेप्से सूचक १७.५४ अंकले घटेर १५१०.२१ को बिन्दुमा पुगेर रोकिएको छ । आज कारोबारमा आएका १५७ कम्पनीका ११ लाख ८० हजार ५ सय ६३ कित्ता शेयर खरिद बिक्रिबाट कुल ६६ करोड ९२ लाख ११ हजार १ सय ८१ रुपियाँको कारोबार भएको छ ।
आज कारोबारमा आएका समुहगत सूचक मध्ये उत्पादन समुह बाहेकका सबै सूचक घटेका छन् ।
आज ग्लोबल आईएमई बैंकको सबै भन्दा धेरै ५ करोड ९८ लाखको कारोबार भएको छ । अन्य बढी कारोबार हुनेमा राष्ट्रिय बिमा कम्पनी संस्थापक शेयर, स्ट्यान्डर्ड चार्टर्ड बैंक, प्राइम लाइफ इन्स्योरेन्स संस्थापक शेयर, नेपाल बैंक लगायत रहेका छन् ।
आज काबेली विकास बैंकका लगानीकर्ताले सर्बाधिक ८.६४ प्रतिशत कमाएका छन् भने राष्ट्रिय बिमा कम्पनी संस्थापक शेयरधनीले सर्बाधिक ५.८ प्रतिशत गुमाएका छन् ।
