अग्रेजी नयाँ बर्षको पहिलो दिन शेयर बजारमा उछाल आएको छ । आज नेप्से सूचक ४४.२२ अंकले बढेर १४३४.८० को उचाईमा पुगेर रोकिएको छ । आज कारोबारमा आएका १६३ कम्पनीका ११ लाख ३२ हजार ५८ कित्ता शेयर खरिद बिक्रि बाट ४९ करोड ४३ लाख १७ हजार २ सय ११ रुपियाँको कारोबार भएको छ ।
आज स्ट्याण्डर्ड चार्टड बैंकको सबै भन्दा धेरै २ करोड ८८ हजार ६२ हजारको कारोबार भएको छ । अन्य बढी कारोबार हुनेमा प्रभु बैंक, नेपाल लाइफ इन्स्योरेन्स, राष्ट्रिय बिमा कम्पनीको संस्थापक शेयर, चिलिमे हाइड्रोपावरको रहेका छन् ।
आज कारोबारमा आएका अन्य बाहेकका सबै समुहगत सूचक बढेका छन् । आज इन्स्योरेन्स समूह सर्बाधिक २ सय ७० अंकले बढेको छ ।
आज राष्ट्रिय बिमा कम्पनीका संस्थापक शेयरले सर्बाधिक ८.५४ प्रतिशत कमाएका छन् भने पुर्णिमा विकास बैंकका लगानीकर्ताले सर्बाधिक ३.०८ प्रतिशत गुमाएका छन् ।