साताको दोस्रो दिन आज सोमबार बजार परिसूचक नेप्से घटेको छ । आज नेप्से सूचक ३.७२ अंकले घटेर १४०२,२३ को बिन्दुमा पुगेर रोकिएको छ । आज कारोबारमा आएका १६० कम्पनीका ७ लाख १५ हजार ८ सय ५४ कित्ता शेयर खरिद बिक्रिबाट २८ करोड ५५ लाख ३६ हजार ४ सय २४ रुपियाँको कारोबार भएको छ ।
आज कारोबारमा आएका हाइड्रोपावर र ट्रेडिङ बाहेकका सबै समुहगत सूचक घटेका छन् ।
आज नेपाल लाइफ इन्स्योरेन्सको सर्बाधिक १ करोड ४९ लाख बराबरको कारोबार भएको छ । अन्य बढी कारोबार हुनेमा नबिल बैंक, नेपाल बैंक, राष्ट्रिय बिमा कम्पनी , सानिमा बैंक लगायत रहेका छन् ।
आज सिन्धु विकास बैंकका लगानीकर्ता सर्बाधिक ४.०३ तथा बिशाल बजार कम्पनीका लगानीकर्ताले सर्बाधिक ४.०२ प्रतिशत कमाएका छन् । त्यस्तै श्री इन्भेस्टमेन्ट एण्ड फाइनान्सको शेयर मूल्य ३.३३, अपि पावरको २.६२, ग्रीन डेभलपमेन्ट बैंकको शेयर मूल्य २.४१ प्रतिशतले बढेको छ ।
त्यस्तै आज मल्टिपर्पोज फाइनान्सका लगानीकर्ताले सर्ब्धिक ९.९४ प्रतिशत गुमाएका छन् । त्यस्तै खानीखोला हाइड्रोका लगानीकर्ताले ३.३७ प्रतिशत, तारागाउँ रिजेन्सीका लगानीकर्ताले ३.१७ प्रतिशत, सहयोगी विकास बैंकका लगानीकर्ताले ३.०८ प्रतिशत गुमाएका छन् ।
