नेपाल स्टक एक्चेन्ज नेप्सेमा रैराङ हाइड्रोपावर डेभलपमेन्ट कम्पनीको कारोबार सुचारु भएको छ। पहिलो कारोबारको लागि नेप्सेले ९८ रुपैयाँ देखि २ सय ९५ रुपैयाँसम्मको सुरुवाती रेन्ज तोकेको छ । कम्पनीको कारोबार RRHP कोडबाट हुने नेप्सेले जनाएको छ ।
कम्पनीले सर्बसाधारणको लागि बैशाख ३१ गतेदेखि ८ करोड ४० लाख रुपैयाँ बराबरको ८ लाख ४० हजार कित्ता आइपिओ निष्काशन गरेको थियो ।
रैराङले पाँचथर र ताप्लेजुङको सिमा क्षेत्रमा ९.९ मेगावाटको इवाखोला जलविद्युत आयोजना निमार्ण गरेको छ ।
कम्पनीको अधिकृत पुंजी १ अर्ब रहेको छ भने आईपियो निष्काशनपछि कम्पनीको चुक्ता पुंजी ५६ करोड पुगेको छ। संस्थापक र सर्बसाधारणको शेयर स्वामित्व ७५:२५ भएको छ ।
