छिमेक लघुवित्तले लाभांश घोषणा गरेको छ । कम्पनीको भदौ २८ गते बसेको संचालक समितिको बैठकले गत आर्थिक बर्षको मुनाफाबाट १८ प्रतिशत बोनस शेयर र २२ प्रतिशत नगद लाभांश गरी कुल ४० प्रतिशत लाभांश प्रस्ताव गरेको हो ।
बैठकले चुक्ता पुंजीको १८ प्रतिशतले हुन् आउने १८ करोड बराबरको बोनस शेयर र २२ प्रतिशतको दरले हुन् आउने २२ करोड बराबरको नगद लाभांश वितरण गर्ने प्रस्ताव गरेको हो ।
कम्पनीको उक्त प्रस्ताव नेपाल राष्ट्र बैंकले स्वीकृति दिएपछि र लघुवित्तको आगामी साधारणसभाले पारित गरेपछि लगानीकर्तालाई वितरण हुनेछ ।
हाल कम्पनीको चुक्ता पुंजी १ अर्ब रहेकोमा प्रस्तावित बोनसपछि चुक्ता पुंजी १ अर्ब १८ करोड पुग्ने छ । कम्पनीले गत आर्थिक बर्ष ६६ करोड ३८ लाख मुनाफा आर्जन गरेको थियो ।