आइ.सि.एफ.सि. फाइनान्स ICFC Finance Limited ले ऋणपत्र निष्काशनको अनुमति माग गर्दै नेपाल धितोपत्र बोर्डमा आवेदन दिएको छ । कम्पनीले असोज १६ गते बोर्डमा आवेदन दिएको हो ।
बोर्डबाट अनुमति पाएमा आईसीएफसी ऋणपत्र निष्काशन गर्ने पहिलो फाइनान्स कम्पनी बन्ने भएको छ । फाइनान्सले २ लाख कित्ता ऋणपत्र निष्काशन गर्ने भएको हो ।
कम्पनीले प्रति कित्ता १ हजारको दरले २० करोड बराबरको ऋणपत्र निष्काशन गर्ने भएको हो । उक्त डिवेन्चर सात वर्षका लागि वार्षिक १२ प्रतिशत ब्याजदरमा प्रत्येक ६-६ महिनामा ब्याज पाउने गरी निष्कासन गर्न लागिएको कम्पनीले जनाएको छ।
कम्पनीले ऋणपत्र निष्काशन गर्को लागि ग्लोबल आईएमई क्यापिटललाई बिक्रि प्रबन्धक चयन गरेको छ । नेपालको इतिहासमा‘क‘ बर्गका बाणिज्य बैंकहरु पश्चात ऋणपत्र निष्कासन गर्ने पहिलो संस्था आइ.सि.एफ.सि. हुन् लागेको हो ।
