निर्वाचन कार्यक्रम सार्न माग गर्दै दायर गरिएको रिटमा आज सर्बोच्च अदालतले अन्तिम फैसला सुनाउने भएको छ । राष्ट्रिय जनता पार्टी नेपालका नेता सर्वेन्द्रनाथ शुक्लले आगामी प्रदेश र प्रतिनिधिसभाको निर्वाचनमा प्रत्यक्ष र समानुपातिक तर्फ गरी मतपत्र चार वटा बनाउनु पर्ने र प्रत्यक्षतर्फको उम्मेदवार मनोनयन दर्ताको तालिका सार्नुपर्ने माग गर्दै रिट दायर गरेका थिए।
यस रिटमा हिजो दीपकराज जोशी र पुरुषोत्तम भण्डारीको इजलास बहस भएको थियो। अब एक जना कानुन व्यवसायीको बहस बाँकी रहेकोले आज बहस हुने र आज नै अन्तिम फैसला हुने भएको हो ।
यदि अदालतले रिट निवेदकले माग गरेको जस्तो प्रदेश र प्रतिनिधिसभाका लागि प्रत्यक्ष र समानुपातिकका लागि फरक फरक मत पत्र छाप्न आदेश भएमा चुनाव सर्ने सक्छ। सरकारबाट बाहिरिने तयारी गरेका माओबादी मन्त्रीहरुले चुनाव सार्ने चलखेल भएको भन्दै सरकार मै बसिरहने निर्णय गरेका छन् ।
