निर्वाचन कार्यक्रम पछि सार्न माग गर्दै सर्बोच्च अदालतमा दायर भएको रिटमा अहिले सुनुवाई भईरहेको छ ।अधिबक्ता दिपेन्द्र झाले संविधानमा उल्लेख भएबमोजिम पिछडिएको वर्गलाई निर्वाचनको लागि तयार पारिएको सामानुपातिक अनुसूचिमा नपारिएको र सो ब्यबस्था नहुँदा सम्म चुनाव रोकिपाऊँ भन्ने जिकिर सहितको रिटमा अहिले सुनुवाई भईरहेको हो ।
न्यायधिस द्वय ओम प्रकाश मिश्र र डम्बर बहादुर शाहीको संयुक्त इजलाशमा सुनुवाई भईरहेको हो ।
यस अघि सर्बोच्च अदालतले निर्वाचन कार्यक्रम सार्न माग गर्दै दायर गरिएको अर्को रिट अन्तरिम आदेश दिनु नपर्ने भन्दै खारेज गरिदिएको थियो । राजपाका नेता सर्वेन्द्रनाथ शुक्लको रिट निवेदनमाथि गत बुधवार सुनुवाई गर्दै न्यायधीशद्धय दिपकराज जोशी र पुरुषोत्तम भण्डारीको संयुक्त इजलासले अन्तरिम आदेश दिनु नपर्ने ठहर गरेको हो । अदालतले प्रतिनिधिसभा र प्रदेशसभा निर्वाचनका लागि अलगअलग मतपत्र हुनुपर्ने भन्दै दायर भएको रिटमा अन्तरिम आदेश दिन अस्वीकार गरेको हो । इजलासले निर्वाचन प्रक्रिया रोक्नु नपर्ने र मतपत्रको संख्या बढाउनु नपर्ने गरी आदेश दिएको हो ।
सर्बोच्चको फैसलासँगै निर्वाचन आयोगले बनाएको मतपत्र अनुसार निर्वाचन गर्न बाटो खुल्ला भएको बेला अर्को मुद्दामा आज सुनुवाई भईरहेको हो ।
