शनिबार विहानै त्रिशुली नदीमा बस खसेको छ । राजविरावजबाट काठमाडौं आउँदै गरेको ना६ख १४६७ नम्बरको सन्तोष ट्राभल्स नाम गरेको यात्रुबहाक बस धादिङको घाटबेसी बांगे मोडबाट त्रिशुली नदीमा खसेको हो । बस विहान बिहान करिव साढे ५ बजे सडकबाट नदीमा खसेको प्रहरीले जनाएको छ ।
बस मोडबाट खसेपछि उछ्ट्टिएर १५ यात्रु नदी किनारमा परेका छन् । उनीहरु घाइते छन् । किनारमा रहेका यात्रुका अनुसार बसमा करिव ५० जना यात्रु थिए । ५० जना मध्ये १ जनाको लास फेला परेको छ भने ३४ जना बस भित्रै रहेका अनुमान गरिएको छ ।
प्रहरीले बसभित्र रहेको सबैको मृत्यु भएको हुनसक्ने अनुमान गरेको छ । प्रहरीले उद्दार कार्य जारी राखेको भएपनि बस नदी भित्रै रहेकोले जिउँदो भेट्टाउन मुस्किल रहेको बताएको छ ।