ललितपुरस्थित पाटन औद्योगिक क्षेत्रमा भीषण आगलागी भएको छ। औद्योगिक क्षेत्रको आनन्द प्लास्टिक उद्योगबाट सुरु भएको आगलागी अरु उद्योगहरुमा फैलिएको जनाइएको छ।
मंगलबार साँझ भएको आगलागी अझै नियन्त्रणमा आउन सकेको छैन । प्रहरीका अनुसार त्यहाँ रहेको प्लास्टिक उद्योगमा आगलागी भएकाले आगो नियन्त्रणमा ल्याउन कठिन भएको हो।
वारुण यन्त्रहरु त्यहाँ पुगेर आगलागी नियन्त्रणको प्रयास गरिरहेका छन् । त्यस्तै, नेपाली सेना, नेपाल प्रहरी, सशस्त्र प्रहरी लगायत स्थानीय मिलेर आगलागी नियन्त्रणमा खटिएका छन् ।
के कारणले आगलागी भएको भन्ने खुल्न सकेको छैन । त्यस्तै, क्षतिको विवरण समेत आएको छैन ।