नेकपा एमालेले मुख्यमन्त्री तथा संसदीय दलको नेताको चयन गर्ने जिम्मा पार्टीको प्रदेश कमिटीलाई दिने निर्णय गरेको छ । मंगलवार पार्टी मुख्यालय धुम्बाराहीमा बसेको स्थायी कमिटीको बैठकले मुख्यमन्त्री चयनको जिम्मा प्रदेश कमिटीलाई दिने निर्णय गरेको हो ।
प्रदेश कमिटिले सहमतिमा मुख्य मन्त्री चयन गर्ने कोशिश गर्ने त्यसो हुन् नसके भोटिङमा गएर संसदीय दलको नेता चयन गर्ने एमालेले निर्णय गरेको छ ।
संसदीय दलको नेता नै मुख्य मन्त्री हुने छ ।
माओवादी केन्द्रसँग मुख्यमन्त्रीमा भएको भागबण्डा अनुसार ४ वटा प्रदेशमा एमालेले सरकार बनाउने छ । प्रदेश नम्बर १,३, ४ र ५ मा एमालेको मुख्य मन्त्री हुने छन् ।
प्रदेश नम्बर ५ को संसदीय दलको नेतामा नेता शंकर पोखरेल यसअघि नै चयन भइसकेकाले उनी मुख्यमन्त्री बन्ने पक्का भएको छ । तर, प्रदेश नम्बर १,३ र ४ मा सहमति हुन्सं नसक्दा ससदीय दलको नेता चयन हुन सकेको छैन । प्रदेश कमिटिले सहमतिको कोशिश गर्ने र सहमति हुन् नसके मतदानबाट संसदीय दलको नेता र मुख्य मन्त्री टुंगो लगाउने छ ।