त्रिभुवन अन्तर्राष्ट्रिय विमानस्थलमा सोमबार भएको यूएस बंगला विमानको दुर्घटनामा परी मृत्यु हुनेको संख्या ५१ पुगेको छ ।
गृह मन्त्रालयले आज एक बिज्ञप्ति जारि गर्दै पछिल्लो विवरण अनुसार २२ नेपाली, २८ बंगलादेशी र १ चिनियाँ नागरिक गरी ५१ जनाको मृत्यु भएको जनाएको हो ।
दुर्घटनामा घाइते अन्य २० जनाको काठमाडौंका विभिन्न अस्पतालमा उपचार भइरहेको छ ।
साथै मृतकको शव परिक्षण पश्चात आफन्तहरुलाई हस्तान्तरण गर्ने कार्य पनि जारी रहेको मन्त्रालयले जनाएको छ।
विमानमा चालक दलका सदस्य सहित ७१ जना सवार थिए ।
