नेपाल आयल निगमले पेट्रोलियम पदार्थको मूल्य वृद्धि गरेको छ। निगमको बुधबार बसेको सञ्चालक समितिको बैठकले पेट्रोलमा रु १, डिजेल तथा मट्टितेलमा रु ३ बृद्धि गर्ने निर्णय गरेको हो। यस्तै ग्यासमा पनि प्रति सिलिन्डर रु २५ बृद्धि भएको निगमले जनाएको छ ।
बढेको मूल्य बुधबार मध्यरातदेखि लागु हुने निगमले जनाएको छ ।
नयाँ मूल्यअनुसार पेट्रोल प्रति लिटर १ सय १२, डिजेल र मट्टीतेल प्रतिलिटर ९८ रुपैयाँमा बिक्रिवितरण हुने छ। त्यस्तै खाना पकाउने एलपी ग्यासको नयाँ मूल्य प्रति सिलिन्डर १ हजार ४ सय रुपैयाँ कायम भएको छ।
केही साता यता अन्तर्राष्ट्रिय बजारमा पेट्रोलियम पदार्थको मूल्य बढेको र अमेरिकी डलरको तुलनामा नेपाली तथा भारतीय मुद्रा कमजोर हुँदा घाटा बढेकोले मूल्य बढाउनु परेको जनाएको छ ।
