रौतहटमा प्रहरीले अश्रुग्यास प्रहार र हवाइफायर गरेको छ । रौतहटको राजपुर–६ कुडियाबजारमा दुई पक्ष भएर झडप हुँदा नियन्त्रणमा लिन प्रहरीले हवाईफायर गरेको हो । प्रहरीले ३० राउण्ड हवाइफायर र २८ सेल भन्दाबढी अश्रुग्यास प्रहार गरेको छ ।
पोखरीको किनारमा मुस्लिम समुदायले राखेको झण्डा निकालेको विषयमा विवाद हुँदा झडप भएको हो ।
बुधबार साँझ छठ पर्व मनाउनेहरुले बनाएको श्री सप्ताह मूर्ति तोडफोड भएको र नजिकै मुसलमान समुदायको झण्डा देखिएपछि विवाद सुरु भएको हो ।
