आगामी शनिबार नेपाल र जापानबीचको च्यारिटी फुटबल खेल हुने भएको छ । नेपालको राष्ट्रिय फुटबल टोली र फ्रेन्ड्स अफ जापानबीच च्यारिटी खेल हुन लागेको हो ।
नेपाल र जापानको दौत्य सम्वन्ध स्थापना भएको ६० वर्ष पुगेको अवसरमा अखिल नेपाल फुटबल संघ एन्फा र जापानको एनजीओ कलरबाथले मिलेर खेल आयोजना गरेको हो ।
खेलमा लागि आएका १६ सदस्यीय टोलीले सातदोबाटोस्थित एन्फा कम्प्लेक्सको मैदानमा अभ्यास पनि गरेको छ । सन् २००२ को विश्वकपका टोली खेलाडी मिडफिल्डर काजुयिका टोडाको कप्तानीमा जापानी टोली नेपाल आएको हो ।
खेलबाट जम्मा भएको रकम भूकम्पपीडितका लागि खर्चने जनाएको छ ।
