बिश्व फुटबलको सर्बोच्च निकाय फिफाले सन् २०१७ को तेस्रो फिफा बरियता सार्बजनिक गरेको छ । बिहिबार सार्बजनिक भएको मार्च महिनाको नयाँ बरियतामा नेपाल ३ स्थान माथि उक्लदै १ सय ७० औ स्थानमा पुगेको छ । एक महिनाको अवधिमा नेपालले २ अंक पाएको छ । फेब्रुअरी २०१७ को बरियतामा नेपालको अंक १२० बाट बढेर अहिले १२२ पुगेको छ ।
फिफाले आज सार्बजनिक गरेको नयाँ बरियता अनुसार दक्षिण एसियामा सबै भन्दा माथि भारत १३२ औ स्थानमा छ । माल्दिभ्स १४० औ, अफगानिस्तान १५६ औ स्थानमा छ । नेपाल भन्दा पछि र भुटान १७७ औ, बंगलादेश १९३ औ, श्रीलंका १९७ औ र पाकिस्तान १ सय ९८ औ स्थानमा छ ।
बिश्व बरियतामा भने अर्जेन्टिना शिर्ष स्थानमा कायम छ भने दोस्रो स्थानमा ब्राजिल, तेस्रोमा जर्मनी, चौथोमा चिली र पाचौमा बेल्जियम छन् । फ्रान्स, कोलम्बिया, पोर्चुगल, उरुग्वे, र स्पेन क्रमश छैठौ, सातौ, आठौ , नवौ र दशौ स्थानमा छन् । नेपालले आगामी चैत देखि एसिया कप छनोट समेत खेल्दै छ ।
पुरा बरियता हेर्न यहाँ क्लिक गर्नु होला
