संस्कृति पर्यटन तथा नागरिक उड्डयनमन्त्री योगेश भट्टराईले संयुक्त अरब इमरेट्स (युएई) लाई नेपालको पर्यटन तथा हवाई क्षेत्रमा लगानी गर्न आग्रह गरेका छन् । आज मन्त्री भट्टराई र संयुक्त अरव ईमरेटस (युएई) का राजदुत सईद हमदान अल नाक्बीबीच भएको शिष्टाचार भेटमा मन्त्री भट्टराईले नेपालको उड्डयन क्षेत्रमा लगानी गर्न युएई सरकार र ब्यवसायीहरुलाई आग्रह गरेका हुन् ।
मन्त्री भट्टराईले कोभिड १९ को समयमा युएईबाट नेपाल फर्कन चाहने नेपाली श्रमिकहरुको उडानको लागि युएई सरकारले गरेको सहयोगको प्रशंसा गर्दै आगामी दिनमा पनि यस्तै सहयोग र सहकार्य जारी राख्न अनुरोध गरे ।
राजदुत नाक्बीले काठमाडौं युएई उडान थप गर्न आग्रह गरेका छन् । यसबारे मन्त्री भट्टराईले प्रस्ताव साकारात्मक रहेकाले चाडै निर्णय लिने जानकारी गराएका छन् ।
