सन नेपाल लाईफ इन्स्योरेन्स कम्पनीले बाल सावधिक बीमा अन्तर्गत बीमा गराएका प्रस्तावकको मृत्युपछि बीमितको संरक्षकलाई ८० हजार रुपैयाँको चेक हस्तान्तरण गरेको छ ।
स्व सुरेश चौधरी प्रस्ताव रहेको बाल सावधिक बीमा लेख ७०२०००००२०२० अन्र्तगत कम्पनीमा ५ लाख रुपैयाँको बीमा गरेकोमा १ लाख ५० हजार २१५ रुपैयाँ पाँच किस्तामा बुझाइसकेको कम्पनीले जनाएको छ । प्रस्तावक चौधरीको मत्युपछि बीमित १६ वर्ष नपुगुन्जेल संरक्षक आमा सुनिता देवी चौधरीलाई मासिक १० हजार रुपैयाँ दिने साथै बीमाको किस्ता रकम समेत बुझाइदिने भएको छ ।
त्यसअन्तर्गत कम्पनीले ३ महिनाको रकम ३० हजार र ५० हजार किरिया खर्च गरी ८० हजार रुपैयाँको चेक कम्पनीका शाखा प्रमुख योगेन्द्र बिक्रम अधिकारीले मंसिर १२ गते मंगलरबार संरक्षक आमा सुनिता देवी चौधरीलाई हस्तान्तरण गरे ।
