काठमाडौँ उपत्यका विकास प्राधिकरणको विकास आयुक्तमा जानुका ढकाल नियुक्त भएकी छिन् । आइतबारको मन्त्रिपरिषद बैठकले उनलाई नियुक्त गरेको हो ।
नवनारी मासिक पत्रिकाकी सम्पादक रहेकी ढकाल ५ वर्षको लागि प्राधिकरणको विकास आयुक्तमा नियुक्त भएकी हुन् ।
विकास आयुक्तका चैत १२ गते माग भएको दरखास्तमा ८ जनाले आवेदन दिएका थिए । तीमध्ये ढकालसहित डा. श्यामसुन्दर बोहोरा र भुपेन्द्रप्रसाद अर्यालको नाम मन्त्रिपरिषदमा गएको थियो ।
