ललितपुरको बखुण्डोलमा निर्माणाधिन समिट अपार्टमेन्ट बनाउने क्रममा नजिकका घर भासिएका छन् । अपार्टमेन्ट वरपरका घर भासिएपछि स्थानीयको भागाभाग भएको छ ।
अहिले स्थानीयहरु त्रसित बनेका छन् । स्थानीयहरुले आफूहरुलाई पूर्व जानकारी नदिई अपार्टमेन्ट बनाउन लागिएको गुनासो गर्दै अहिले घर भासिन थालेपछि आफूहरु बास बस्ने ठाउँ नभएको गुनासो गरेका छन् ।
घरहरु भासिन थालेपछि डेरा गरेर बस्नेहरु सबै भागेका छन् । अपार्टमेन्ट निर्माणको क्रममा घरहरु भासिँदा मानिसहरु शुक्रबार राती भागाभाग गर्दा केही घाइतेसमेत भएका छन्।
नजिकको सडकसमेत चर्किएको छ ।