हाउजे बाइकको सातौ शो रुम चाबहिलमा खुल्ने भएको छ। आगामी शुक्रबार चाबहिलको होटेल हयात अगाडी बाइक पस प्रा लि नामक नया शोरुम संचालनमा ल्याईने कम्पनीले जनाएको हो ।
कम्पनीका अनुआ शो रुमहरु कमलपोखरीस्थित कृष्ण पाउरोटीको विपरित दिशामा पहिलेको सुजुकी सोरुममा, तथा टेकु र नयाँ बजारमा पनि हाउजेको सोरुम छ । उपत्यका वाहिर चितवन, हेटौडा र संखुवासभामा सोरुम खोलि सकेको कम्पनीले जनाएको छ ।
कृष्ण इन्टरनेशनल ट्रेडिङ कन्सर्नले नेपाली बजारमा चिनियाँ मोटरसाइकल कम्पनी हाउजेका बाइकहरु भित्र्याएको हो। हाउजेले सुजुकीसँगको सहकार्यमा चीनमा हाउजे बाइक उत्पादन गर्दै आएको छ । अन्तर्राष्ट्रिय बजारमा यसको तुलना सुजुकीसँग हुने कम्पनीको दाबी छ ।
कम्पनीका अनुसार सुजुकीले यही स्पेसिफिकेसनको बाइकलाई डीआर १५० ब्रान्ड नेममा बिक्री गरिरहेको छ । एनके १५० बाइक नेपाली बाटोलाई सुहाउँदो रहेको बताइएको छ। रोड र अफरोड दुवैका लागि उपयुक्त रहेको यस बाइकको मूल्य ३ लाख ९५ हजार रुपैयाँ रहेको कम्पनीले उल्लेख गरेको छ।
कम्पनीका अनुसार रेड, ब्ल्याक र ह्वाइट गरी ३ कलारमा बाइक उपलब्ध छन् । हाउजेको टिआर १५० बाइक तथा भिएस १२५ स्कुटर पनि नेपाली बजारमा उपलब्ध छन् । टिआर १५० को मूल्य २ लाख ९५ हजार रुपैयाँ पर्छ । इन्जिन वारेन्टी २ वर्ष रहेको छ भने फ्रि सर्भिस ६ पटकसम्म उपलब्ध हुनेछ ।
डर्ट सेगमेन्टको सो बाइकले नेपाली डर्ट बाइक बजारमा अर्को प्रतिस्पर्धा थपेको र यसमा प्रयोग गरिएको इन्जिन र च्यासिसको ब्यालेन्सका कारण राइडर जतिसुकै लामो र कठिन सडकमा पनि नथाक्ने कम्पनीको दावी छ ।