.gif)
नेपाली बजारमा चाङ्गन अटोग्रुप प्रवेश गर्ने भएको छ । एमएडब्ल्यु वृद्धि अटोकर्पले चिनियाँ कम्पनी चाङ्गन अटोलाई नेपाल भित्र्याउने भएको हो ।
चाङ्गन ब्रान्डका प्यासेन्जर गाडीहरू २०२१ मा चीनमा सबैभन्दा बढी बिक्री भएका थिए । २०२० मा ६० देशमा यो ब्रान्डका २० लाख गाडी बिक्री भएका थिए ।
नेपालमा एमएडब्ल्यु स्कोडा, जीप, जेसिबी, यामाहा, फोटोन र एमएएन ब्रान्डको आधिकारिक वितरक हो। एमएडब्ल्युका अध्यक्ष विष्णु अग्रवालले चिनियाँ ब्राण्ड चाङ्गनले पनि नेपालमा राम्रो बजार पाउने विश्वास व्यक्त गरे ।
चाङ्गन अटो ग्रुपका उप–महाप्रबन्धक देङ्गले चाङ्गन ब्राण्डले ग्राहकको आवश्यकतालाई ध्यानमा राखेर गाडी भित्र्याउने बताए ।
कम्पनीका अनुसार पहिलो चरणमा चाङ्गन अटोको सेडान, पिकअप र एसयुभी गाडी सार्वजनिक हुनेछन् भने दोस्रो चरणमा विद्युतीय गाडीहरू सार्वजनिक हुनेछन् ।
.gif)
