.gif)
नेपाल नागरिक उड्डयन प्राधिकरणले आन्तरिक उडानमा लागू रहेको कोटा प्रणाली हटाएको छ । वायुसेवा सञ्चालकहरुले बाढी पहिरोका कारण स्थम मार्ग अवरुद्ध हुँदा यात्रुहरु मर्कामा परेको र यो समस्या साधानका लागि हवाई उडानको संख्या बढाउन माग गरेअनुसार प्राधिकरणले कोटा प्रणाली हटाएको हो ।
प्राधिकरणका प्रवक्ता राजकुमार क्षेत्रीका अनुसार अब दैनिक ६० देखि ७० उडान हुनेछ । यसलाई प्राधिकरणले दोस्रो चरणको लकडाउन सुरु हुनुभन्दा अगाडीकै अवस्थामा हुने नियमित उडानको रुपमा लिएको छ । आवश्यक पर्ने जति उडान संख्या थप गरेर उडान गर्ने अधिकार सम्बन्धित एयरलाइन्स कम्पनीलाई नै दिईएको क्षेत्रीको भनाई छ ।
विमानस्थलमा भिडभाड नहुने गरी उडानको प्रवन्ध मिलाउन प्राधिकरणले त्रिभुवन अन्तराष्ट्रिय विमानस्थललाई पनि निर्देशन दिईसकेको छ ।
सरकारले गरेको निर्णय अनुसार प्राधिकरणले यसअघि ५० प्रतिशत क्षमतामा ५० प्रतिशत मात्रै उडान खुलाएको थियो ।
.gif)
