.gif)
राजश्व अनुसन्धान विभागले आयकर र भ्याट छलीको आरोपमा एक जना भारतीय नागरिकसहित ३ जना व्यवसायी विरुद्ध मुद्दा दायर गरेको छ ।
विभागले काठमाडौँको बसुन्धारास्थित दुर्गा ट्रेडर्सका सञ्चालकहरु विरुद्ध ५ करोड ४६ लाख ५१ हजार रुपैयाँ विगो दाबी र सोही बराबरको जरिवानाको माग गर्दै उच्च अदालत पाटनमा मुद्दा दायर गरेको हो ।
ट्रेडर्सका सञ्चालकहरु धीरजकुमार जैसवाल, सुमनकुमार श्रेष्ठ र राहुलकुमार जैसवालले मूल्य अभिवृद्धि तर्फ १ करोड ७१ लाख ३२ हजार १७० रुपैयाँ र आयकर तर्फ ३ करोड ७५ लाख १९ हजार १६८ रुपैयाँ छली गरेको दाबी विभागको छ ।
उनीहरुसँग विगो माग बराबरकै जरीवानासहित १० करोड ९३ लाख २ हजार ६७६ र कैद सजाय माग गरिएको छ ।
आरोपितमध्ये धीरजकुमार जैसवाल भारतीय नागरिक हुन् ।
.gif)
