नेकपा माओवादी केन्द्रका अध्यक्ष पुष्पकमल
दाहाल 'प्रचण्ड'ले पुरुषहरूले शासन सत्तामा लछारपाटो लगाउन नसकेको बताएका छन् ।
आज पाँचदलीय गठबन्धनले राजधानीमा आयोजना गरेको
चुनावी सभामा सम्बोधन गर्दै प्रचण्डले महिलाहरू कार्यकारी भएको ठाउँमा राम्रो
विकास भएको बताएका हुन् ।
'हामी पुरुष भएर कुनै लछारपाटो लगाउन सकेनौं,' उनले
भने, 'महिलालाई मौका दिउँ ।'
उनले भरतपुरकी मेयरकी उम्मेदवार रेणु दाहाल र
काठमाडौंकी मेयर उम्मेदवार सिर्जना सिंहलाई कसैको छोरी या श्रीमती भएकै आधारमा
अपमान गर्न थालिएको बताए ।