.gif)
ईपिएस कोरिया शाखाद्धारा सञ्चालन गर्न लागेको कम्प्युटरमा आधारित परीक्षा ‘सिबिटि’ परिक्षामा ३२ हजार ३ आवेदन परेको छ । कम्तिमा पनि ३ बर्ष वैधानिक रुपमा दक्षिण कोरियामा काम गरेर फर्किएका युवाहरुले यो परिक्षामा सामेल हुन पाउने छन् ।
शाखाले आगामी वैशाख ४ गतेबाट सञ्चालन गर्ने सिबिटि परिक्षामा सामेल हुन फागुन १७, १८ र १९ गते आवेदन खुल्ला गरेको थियो । एकपटक कोरिया गएर फर्किएका र फेरि जान ईच्छुक ३२ हजार ३ जनाले आवेदन दिएको ईपिएस शाखाले जानकारी दिएको छ ।
कोरियामा वैधानिक भएर काम गरेको, फौजदारी अभियोग नलागेको र नेपालबाट विदेश जान रोक नलगाइएका व्यक्तिले यो परीक्षामा भाग लिन पाउने छन् । यो परिक्षामा सामेल हुन कोरियाबाट फर्किंदा ‘एलाइन्स रजिस्ट्रेसन कार्ड’ कोरियाको अध्यागमनमा बुझाएको हुनुपर्ने छ । शाखाका अनुसार सन् २०१० जनवरीदेखि वैधानिक भएर कोरियाबाट फर्किएका श्रमिक कम्प्युटर भाषा परीक्षामा सहभागी हुन पाउने छन् । यस परिक्षामा सामेल हुन कोरियामा कम्तिमा पनि तीन वर्ष काम गरेका र ३९ वर्ष ननाघेको हुनु पर्नेछ ।
आगाी वैशाख ४ गतेबाट प्रत्येक दिन चार सत्रमा परीक्षा सञ्चालन गरिनेछ । एक सत्रमा २८ जनाका दरले एक दिनमा ११२ जनाले परिक्षा दिनेछन् । सन् २०१२ बाट सुरु भएको सिबिटि परिक्षा उत्तिर्ण गरी हालसम्ममा ६ हजार युवा रोजगारीको लागी पुन कोरिया पुगेको शाखाले जनाएको छ ।
.gif)
