.gif)
श्रम, रोजगार तथा सामाजिक सुरक्षा मन्त्रालयले रोजगार संयोजकमा छनौट भएकाहरुको नतिजा प्रकाशन गरेको छ । दोस्रो पटक संयोजकको लागी माग गरिएको आवेदनमा नौ हजार आठ सय ७४ जनाले आवेदन दिएका थिए । त्यसमध्ये आठ सय १९ जना छनौट भएका छन् ।
यी मध्येबाट अनलाईन प्रणालीमा आधारित कम्प्युटर सीपको परीक्षा मार्फत दुई सय ६८ जनाको छनौट गरिनेछ । कम्प्युटर परीक्षामा उत्तीर्ण हुन ५० पूर्णाङ्कको परीक्षामा कम्तीमा २५ अंक प्राप्त गर्नुपर्नेछ ।
सात सय ५३ स्थानीय तहमध्ये पहिलो चरणको छनौटबाट चार सय ८५ स्थानीय तहमा भने रोजगार संयोजक नियुक्त भईसकेका छन् । आवेदनमा माग भएको संख्या, आवेदन दिएको संख्या र छनौट भएकाको नामावली यहाँ क्लिक गरेर हेर्न सकिन्छ ।
.gif)
